மனிதர்கள்

தேவைக்கும் ஆசைக்கும் இடையே
மனதை பணயம்  வைக்கும்
சூதாடிகள்!!!!

சிறை

சிறகிருந்தும் சிறைபட்டன
வாழ்த்துஅட்டை வண்ணத்துபூச்சிகள்!!!!

தனிமை தேடல்

கேட்பாரற்று கிடக்கும் கடலில்
யாரை  தேடுகிறது அலைகள் ???

நான்

எல்லோரும் மலை மீது ஏறி
கீழே விழுந்து உயிர் துறப்பார்கள்
ஆனால் நான்
உன் கண்களில் ஏறி
இதயத்தில் விழுந்து உயிர் பிழைத்தேன் !!!!

கடனாய் கேட்கிறேன்

உன்னிடம் கடனாய் கேட்பது
காதலை மட்டும் தான்
தருவாயா பெண்ணே
தினம் தினம் வட்டியோடு
திருப்பி தருகிறேன் !!!!!!!!

குழந்தை

பஞ்சுமெத்தை மேடையில்
படுக்கையறை மொழிகளில்
உன்னால் அடித்தளமிடப்ப்ட்டு
உன்னவள் எழுப்பிய பளிங்கு தேசம்
இதோ நீங்கள் கூட்டாய் வடித்த
முதல் கவிதை

காமம்

உடை தவிர்த்து
உடல் எழுதும் கவிதை
காமம்!!!

உலகமயமாக்கல்

நீர் கேட்டால் மோர் கொடுத்த
எங்கள் ஊரில்
நுழைந்தது உலகமயமாக்கல்
இப்போது தண்ணீர் பாட்டில் விலை
ருபாய் பதினைந்து!!!!!!!

தேர்தல்

ஐந்தாண்டுகளுக்கு ஒரு முறை
இடையில் இடை தேர்தலிலும்
யாரோ ஒருவரை வெற்றி பெற வைத்து
நாம் எப்போதும் தோற்று போகிறோம்.

அவலம்

அங்கு துயரங்களை பகிர்ந்துகொள்ள
ஆள் இல்லாத பொழுது
இங்கு நாங்கள்
முத்தமிட்டுகொண்டிருந்தோம்.

ம(ண)ன மாற்றம்

யாரிடம் கற்றுக்கொண்டாய்
மௌனத்தை மனப்பாடம் செய்ய
எங்கே ஒத்திகை பார்த்தாய்
இந்த ஒட்டவைத்த புன்னகையை
வலிக்கிறது பெண்ணே
உன் வானவில் விழிகளில்
போலி சாயங்கள்

மேதாவிகள்

உலகில் இரண்டு வகை மேதாவிகள்
ஒன்று எல்லாம் எனக்கு தெரியும் என்கிற கிணற்று தவளைகள்!!
மற்றொன்று எல்லாம் நான் தான் என்கிற மத யானைகள் !!!

காத்திருக்கிறேன் பதிலுக்காக

விரைவில் வந்து சேரும்
ஒரு அழகிய பூங்கொத்தும்
என் இனிய காதலும் !!

மாறி போன மனம்

அமெரிக்க பிம்பம் பிரதிபலித்து
ரசம் போன
இந்திய கண்ணாடிகள்  !!!!!!!